ﻓﻲ اليمن كل شيء عكس
إذا به مشكلة في العالم تلقى مليون محلل سياسي !
واذا المشكلة في اليمن ما حد داري عصيد ما هيه !
إذا نجحت في شي ما احد يدري فيك
وإذا فشلت يسمعوا بك أمة الصلاة
إذا أنت حراف تلقى العرطات أشكال وألوان
وإذا معك فلوس ما تحصل شي رخيص
إذا أنت معزوم الكل يعزموك
وإذا أنت مغروم ما احد يقلك من أين أنت
إذا الخطأ منك تهجر برأس بقر
وإذا الخطأ عليك اهم شي سلم راسك
إذا معك ضمار ما تلقى مشروع
وإذا أنت مفلس تخرج المشاريع
إذا معك سيارة تنعدم المشاوير
وإذا مابش سيارة يطلعلك الف مشوار
إذا ضيعت شي ما احد يلقاه
وإذا لقيت شي تلقى صاحبه بثواني
إذا معك فلوس كل شي غالي
واذا انت حراف بورة في كل شي
إذا تشتي تشتري شي يطلع غالي
وإذا تشتي تبيع نفس الشي يطلع رخيص
إذا سلفت أحد ما تزيد تلقى له صورة
واذا تسلفت من أحد تلقاه تجاهك أينما سرت
إذا معك عمل ما تقدر ترقد
واذا انت فارغ ترقد من مغرب
إذا نويت تتزوج تلقى البنات كلهن مخطوبات
واذا تزوجت يخرجين البنات بالعشرات والميات
إذا معك رصيد بالتلفون ما تلقى موضوع تكلم احد فيه
وإذا مابش معك رصيد يخرجين المواضيع
إذا دورت تذيع شي ما احد ينقله
وإذا دورت تكتم شي يطلع في نشرة الأخبار
إذا نويت تخزن تودف بقات بغرة
وإذا بطلت القات تلقى قات نزي ومطيور
تلقى واحد اخر شياكة ومافي جيبه ممسى يريم
وتلقى واحد لبسه مبهدل وهو مليادرير
تلقى غني جلدة تقل الجاحظ
وتلقى فقير كريم تقل حاتم الطائي